Liverpool laħqu ftehim ma’ Paris St-Germain biex jiffirmaw lill-winger internazzjonali Franċiż, Bradley Barcola għal somma li mistennija tkun £120 miljun.
In-negozjati għamlu progress kbir matul l-aħħar 48 siegħa u proprju l-Ħamis filgħodu ntlaħaq ftehim.
PSG kienu vvalutaw lill-attakkant Franċiż ta’ 23 sena għal £140 miljun, iżda l-pakkett finanzjarju naqas drastikament.
Għad fadal xi dettalji finali x’jiġu kompluti, iżda l-ftehim mistenni jkun jiswa £120 miljun li jinkludu wkoll bonuses.
