Il-Prim Ministru Portugiż António Costa ħabbar li kien qiegħed jirriżenja mill-kariga tiegħu wara li qamu diversi suspetti dwar l-integrita tiegħu.
Kien Costa stess li ħabbar ir-riżenja fejn qal li kien tkellem mal-President Marcelo Rebelo de Sousa fejn informah li hu mhux se jibqa’ fil-kariga.
Fl-aħħar ġranet Costa spiċċa taħt kritika kbira l-aktar wara li investigaturi marru jfittxu għal provi fir-residenza uffiċjali tiegħu b’rabta ma’ każi ta’ korruzzjoni. Wara li ltaqa’ mal-President, Costa indirizza lil poplu Portegiż u informhom b’din id-deċiżjoni.
Prosekuturi Portugiżi qalu li huma qegħdin jinvestigaw kuntratti dwar lithium u anke prodotti ta’ hydrogen. S’issa żewġ persuni qrib sew il-Prim Ministru qegħdin jiċħdu l-allegazzjonijiet dwarhom.
Fl-investigazzjoni hemm madwar 140 uffiċjal li qegħdin jaraw u jfittxu f’diversi uffiċini u djar ta’ ministri u bini governattiv.
