Minkejja li l-istaġun 2022/23 intemm nhar is-Sibt li għadda hekk kif Manchester City saru ċ-champions Ewropej il-ġodda wara li fil-finali għelbu lil Inter bl-iskor ta’ 1-0, proprju lbieraħ ittellgħu l-poloz tal-Premier League Ingliż għall-istaġun 2023/24.
Iċ-champions Ingliżi,Man -chester City, se jibdew id-difiża barra minn darhom kontra ċ-champions taċ-Championship, Burnley, li inċidentalment huma mmexxija mill- player leġġendarju, Vincent Kompany, li serva lill-istess club tas-City bejn l-2008 u l-2019, u li kien ukoll strumentali fir-rebħ ta’ bosta unuri.
Arsenal, li temmew fit-tieni post, jilqgħu lil Nottimgham Forest filwaqt li Manchester United, li temmew warajhom, jospitaw lil Wolves.
Liverpool, li kellhom staġun diżappuntanti minħabba li ma rnexxielhomx jikkwalifikaw għall-UEFA Champions League għandhom test diffiċli meta jmorru għand Chelsea, li jridu jpattu għall-istaġun diżastruż wara li nefqu aktar minn £400 miljun u spiċċaw f’nofs il-klassifika.
Fixture li hija mfittxija mill-partitarji hija dik bejn ir-rivali eterni, Liverpool u Manchester United.
Ir-Reds jilagħbu f’Anfield fis-16 ta’ Diċembru filwaqt li r-Red Devils jilagħbu quddiem il-partitarji tagħhom nhar is-6 ta’ April, 2024.
Id-derby ta’ Manchester se jintlagħab fit-28 ta’ Ottubru, f’Old Trafford filwaqt li fit-2 ta’ Marzu ż-żewġ timijiet jiltalqgħu f’Etihad Stadium.
Programm tal-ewwel ġurnata huwa:
Il-Ġimgħa, 11 ta’ Awwissu
Burnley v Man City……………….. 9.00
Is-Sibt, 12 ta’ Awwissu
Arsenal v Nottm F……………….. 12.30
Bournemouth v West Ham…….. 4.00
Brighton v Luton……………………. 4.00
Everton v Fulham………………….. 4.00
Newcastle v Aston Villa…………. 4.00
Sheffield U. v C. Palace………….. 4.00
Il-Ħadd, 13 ta’ Awwissu
Brentford v Tottenham…………… 3.00
Chelsea v Liverpool……………….. 5.30
It-Tnejn, 14 ta’ Awwissu
Man United v Wolves……………. 9.00
Programm tal-aħħar ġurnata:
Il-Ħadd, 19 ta’ Mejju, 2023
Arsenal v Everton
Brentford v Newcastle
Brighton v Man Utd
Burnley v Nottm F.
Chelsea v Bournemouth
C. Palace v Aston Villa
Liverpool v Wolves
Luton v Fulham
Man City v West Ham
Sheffield U. v Tottenham
