Mill-inqas 90 persuna issa huma maħsuba li mietu filwaqt li ndarbu aktar minn 150 persuna wara li seħħ l-attakk terroristiku fl-ajruport Hamid Karzai f’Kabul il-Ħamis wara nofsinhar.
Minn dalgħodu, komplew l-isforzi ta’ evakwazzjoni, b’dawk evakwati jidhru jitilgħu fuq l-ajruplani.
Eluf ta’ refuġjati waslu fil-bażi Amerikana f’Ramstein fil-Ġermanja.
Dawn ir-refuġjati se jinżammu temporanjament fil-bażi tal-ajru, fejn jitħallew joqogħdu sa għaxart ijiem hekk kif jistennew titjira lejn art oħra.
Wara l-attakki qattiela tal-bieraħ fl-ajruport ta’ Kabul u fil-viċinanzi tiegħu, uħud minn nies bdew ifittxu lill-maħbubin tagħhom li sfortunatament ma setgħux jinstabu. Fost l-appelli li saru, ġurnalist Afgan ippubblika ritratti ta’ żewġt itfal li ma nstabux wara li seħħew dawn l-attakki. Il-ġurnalist tkellem ma’ membri tal-familja li qalu l waħda mill-ommijiet ta’ dawn iż-żewġt itfal mietet fl-isplużjoni fl-ajruport.
Mina and Maseed are missing after yesterday’s deadly attack at the airport. Family and friends urging people to call anyone who might have any clue about these two children. pic.twitter.com/1wEkGADfKn
— BILAL SARWARY (@bsarwary) August 27, 2021
It-tobba u l-infermiera f’Kabul ħadmu matul il-lejl biex jikkuraw lil uħud mill-150 persuna midruba fl-attakk.
Iċ-Ċentru Kirurġiku ta’ Kabul qal li rċieva 60 persuna midruba f’inqas minn sagħtejn, inklużi mill-inqas 16-il persuna ddikjarati mejta mal-wasla tagħhom.
Ritratt: GettyImages
