It-trasferiment tal-plejer ta’ Borussia Dortmund Jude Bellingham ma’ Real Madrid hu biss formalitá. Fil-fatt matul din il-ġimgħa, id-diriġenti Spanjoli marru fil-belt ta’ Dortmund fejn wara ftehim verbali, ġie kkonfermat li l-akkwist tal-plejer Ingliż hu ferm viċin.
Minkejja li kellu ħafna offerti minn klabbs oħrajn, Bellingham għażel li jmur jilgħab f’Estadio Santiago Bernabeu.
Jidher li s-somma miftiehma bejn iż-żewġ partijiet se tkun dik ta’ €100 miljun.
