Jurgen Klinsmann, rebbieħ tat-Tazza tad-Dinja bħala player, fl-1990, u mexxa lill-Ġermanja sas-semi-finali bħala coach, inħatar coach nazzjonali tal-Korea t’Isfel.
Klinsmann, li għandu 58 sena, mistenni jasal f’Seoul il-ġimgħa d-dieħla fejn se jiffirma kuntratt sas-sajf 2026.
Huwa se jkun responsabbli għal logħba ta’ ħbiberija kontra l-Kolombja, fl-24 ta’ Marzu.
Huwa se jkun is-suċċessur ta’ Paulo Bento li wassal lill-Koreani sal-Aħħar 16 tat-Tazza tad-Dinja li ntlagħbet fil-Qatar, f’Novembru li għadda.
