L-eks manager ta’ Liverpool Jurgen Klopp reġa’ daħal fil-futbol, iżda mhux fi rwol ta’ kowċ.
Il-Ġermaniż inħatar bħala l-kap globali tal-operazzjonijiet tal-futbol tar-Red Bull, li jissorvelja n-netwerk ta’ klabbs tal-kumpanija mill-1 ta’ Jannar.
Klopp, 57, ilu wieqaf mill-futbol minn meta ħalla Anfield fis-sajf wara kważi għaxar snin fit-tmexxija.
Huwa mexxa lir-Reds għar-rebħ taċ-Champions League, Premier League, FA Cup, Club World Cup, Super Cup u żewġ League Cups.
It-trijonf tal-Premier League 2020 kien l-ewwel rebħ tat-titlu fi klabb fi 30 sena.
Wara li ħalla lil Liverpool, huwa kien qal li ma riedx jieħu rwol ta’ kowċ fil-futur qrib, għalkemm kien maħsub li kien wieħed mill-favoriti tal-FA Ingliża għall-pożizzjoni ta’ manager tal-Ingilterra.
Huwa meqjus ukoll bħala coach potenzjali tal-Ġermanja u huwa mifhum li għandu klawsola ta’ tluq fil-ftehim tiegħu mar-Red Bull jekk dak ir-rwol tat-tim nazzjonali jsir disponibbli.
Il-kuntratt tal-manager attwali, Julian Nagelsmann jintemm wara t-Tazza tad-Dinja tal-2026
Ir-Red Bull qalu fi stqarrija li Klopp se “jiffoka fuq li jappoġġa lid-diretturi sportivi fl-avvanz tal-filosofija tar-Red Bull”, aktar milli jkun involut fit-tmexxija ta’ kuljum tal-klabb.
