Id-difensur internazzjonali Olandiż Jurrien Timber jinsab ferm viċin li jingħaqad ma’ Arsenal. Dan il-plejer għandu 22 sena u ilu jilgħab ma’ Ajax Amsterdam sa mis-sena 2019 fejn deher 85 darba u skorja sitt gowls.
Fil-fatt hu prodott tal-akkademja prestiġġjuża ta’ dan il-klabb u spikka ferm bħala ċentrali fid-difiża Olandiża. Hu fil-fatt deher ukoll 21 darba mat-tim nazzjonali tal-Oranje u jitqies bħala plejer importanti.
Il-kowċ ta’ Arsenal Mikel Arteta ħeġġeġ lid-diriġenti tiegħu sabiex iġibulu lil Timber minħabba li jarah sew fil-parti ċentrali tal-grawnd fejn jiddefendi tajjeb ferm.
