Juventus għadhom qed jirsistu sabiex jiksbu l-firma tal-midfielder offensiv Ukren Georgiy Sudakov. Dan tal-aħħar jilgħab ma’ Shaktar Donetsk u qed ikun strumentali sabiex it-tim sejjer tajjeb. Fl-istess waqt hu għażla awtomatika mat-tim nazzjonali tal-Ukrajna li qed jirsisti sabiex jirbaħ il-play-off u jikkwalifika għall-kampjonat Ewropew.
Shaktar qed jitolbu €30 miljun għalih b’Juventus li jixtiequ li jkollhom skont ta’ €5 miljun. Huma lesti wkoll li joffru lill-plejer tagħhom Samuel Iling Junior bħala parti mill-ftehim.
