Juventus għadhom fit-tfittxija għal plejer ta’ nofs il-grawnd wara s-sospensjonijiet ta’ Nicolo Fagioli u Paul Pogba. Id-diriġenti minn Turin qed isegwu b’attenzjoni l-profil tal-midfielder internazzjonali Ġermaniż Leon Goretzka. Dan il-plejer hu proprjeta’ ta’ Bayern Munich u hu fatt magħruf li jista’ jħalli l-Allianz Arena fis-sajf li ġej.
Sadanittant id-diriġenti ta’ Juventus diġa’ kellhom kuntatt miegħu għalkemm iridu joqogħdu attenti wkoll mill-konkorrenza ta’ Chelsea, West Ham United u Manchester United.
