Il-player Kanadiż, Promise David, li kien jilgħab fil-Malta Premier League, ingħata prominenza mill-ġurnal Ingliż, The Guardian, hekk kif mill-kampjonat Malti baqa’ reżiljenti u tela’ l-livelli kollha biex illum qed jilgħab ma’ Brighton .. kif ukoll lagħab mal-Kanada fit-Tazza tad-Dinja ta’ dan is-sajf.
Ftit mill-artiklu kien jgħid hekk:
Promise David kellu pjan ċar għal karriera ta’ ħames snin: jiskorja ħafna goals, ikollu trasferiment lejn kampjonat Ewropew ewlieni u jilgħab mal-Kanada fit-Tazza tad-Dinja tal-2026. Madankollu, ftit kienu dawk li emmnu li seta’ jasal.
David, li twieled Brampton, Ontario, kien spiss injorat matul il-karriera tiegħu. Ta’ 15-il sena tkeċċa mill-akkademja ta’ Toronto FC u aktar tard ġie injorat minn programmi tal-kulleġġi NCAA. Huwa għadda minn diversi clubs u anke spiċċa jilgħab mat-timijiet ta’ riserva.
Il-vjaġġ tiegħu ħadu fil-Kroazja, fl-Istati Uniti u mbagħad f’Malta. Fl-2022, ta’ 21 sena, ingħaqad ma’ Valletta FC. Minkejja li kien wasal b’tamiet dejjem jonqsu li jsir player professjonali, malajr beda jimpressjona. Fit-tielet logħba tiegħu skorja goal fl-aħħar minuta biex kiseb draw, u fil-logħba ta’ wara reġa’ sab ix-xibka. F’14-il dehra skorja erba’ gowls u pprovda erba’ assists, fosthom goal li għen lil Valletta jaslu sal-finali tal-FA Trophy.
“Bosta clubs jippruvaw jiksbu l-attakkanti twal u fiżiċi bħal David,” jgħid l-attakkant ta’ Valletta Andrea Zammit, eks sieħeb ta’ David, “iżda kif inhu mibni ‘Tobi’ – 6 piedi u 5 pulzieri, fiżiku, finisher tajjeb – rari ħafna ssib lil xi ħadd bħal dak.”
David sfrutta l‑forma tajba tiegħu fil‑goal ma’ Valletta biex jikseb kuntratt ta’ sentejn ma’ club ieħor Malti, Sirens FC. Huwa telaq wara seba’ xhur, sitt dehriet mingħajr gowl, u total ta’ 135 minuta biss qabel ma mar l‑Estonja ma’ Nomme Kalju.
Il-coach Kaido Koppel ra fih qawwa fiżika kbira, iżda kellu wkoll oqsma x’jiżviluppa, partikolarment fl-impenn difensiv. Għalhekk anke lagħab mat-team ta’ riserva, magħmul l-aktar minn studenti tal-iskola sekondarja.
Il-perseveranza tiegħu eventwalment ħalliet il-frott, hekk kif wasal ma’ Royale Union Saint-Gilloise u mbagħad ingħata ċ-ċans jilgħab fil-Premier League ma’ Brighton.
Il-vjaġġ tiegħu juri kif xogħol iebes u determinazzjoni jistgħu jwasslu player minn sfond modest għall-ogħla livell tal-football …..
