L-attakkant ta’ Paris St-Germain Kylian Mbappe qabel li jingħaqad ma’ Real Madrid matul is-sajf li ġej.
Il-captain ta’ Franza, ta’ 25 sena, qal lil PSG li beħsiebu jitlaq lill-klabb bil-kuntratt tiegħu jiskadi f’Ġunju.
Mbappe għadu ma ffirmax kuntratt ma’ Real, iżda l-ftehim jista’ jitħabbar ladarba ma jkunx aktar possibbli li l-klabbs jiltaqgħu fiċ-Champions League ta’ dan l-istaġun.
Ir-rebbieħ tat-Tazza tad-Dinja huwa l-aqwa skorer ta’ PSG ta’ kull żmien b’244 gowl.
Mbappe ried li l-futur tiegħu jiġi ffinalizzat qabel Marzu, għalhekk fit-13 ta’ Frar, qabel it-taħriġ, iltaqa’ mal-president ta’ PSG Nasser Al-Khelaifi u qallu li kien se jitlaq u jingħaqad ma’ Real.
Wara li l-Ħamis li għadda ħarġu rapporti li kien se jitlaq, Mbappe tħalla barra mill-formazzjoni inizjali għall-partita tas-Sibt kontra Nantes, iżda ħareġ minn fuq il-bank biex skorja penalty hekk kif PSG marru 14-il punt fil-quċċata tal-Ligue 1.
Huwa lest li jiffirma ftehim ta’ ħames snin ma’ Real, li se jkun qed jarah jaqla’ 15-il miljun Ewro (£12.8m) kull staġun, flimkien ma’ bonus ta’ dħul ta’ 150m Ewro (£128m) li għandu jitħallas fuq ħames snin, u se jżomm perċentwal tad-drittijiet tal-immaġni tiegħu.
Il-manager ta’ Real Carlo Ancelotti diġà ħaseb kif se jutilizzaa lil Mbappe fit-tim tiegħu, bil-midfielder Ingliż Jude Bellingham jilgħab rwol aktar profond, il-Brażiljan Vinicius Jr jilgħab fuq ix-xellug u Mbappe jilgħab fiċ-ċentru tal-attakk.
