L-attakkant ta’ Paris Saint-Germain, Kylian Mbappe, jista’ jirrifjuta li jingħaqad ma’ Real Madrid.
Ir-rebbieħ tat-Tazza tad-Dinja tal-2018 huwa mistenni li jiffinalizza free transfer mal-leaders tal-La Liga ladarba jiskadi l-ftehim tiegħu ta’ PSG fi tmiem l-istaġun attwali.
Mbappe diġà eskluda l-prospett ta’ ċaqliq ma’ Real Madrid f’Jannar, minkejja rapporti li jsostnu li l-Los Blancos kienu qed jippreparaw biex jittantaw id-determinazzjoni ta’ PSG b’offerta ta’ £42m.
Madankollu, Mbappe għadu qed jaħseb dwar il-futur tiegħu fit-tul, u b’riżultat ta’ dan ma ġiex eskluż kuntratt ġdid mat-team ta’ Mauricio Pochettino.
PSG huma maħsubin li qed jagħmlu pjanijiet għat-tluq mistenni ta’ Mbappe madankollu, bl-attakkant ta’ Chelsea Romelu Lukaku jingħad li jinsab fuq ir-radar tal-Pariġini.
Mbappe skorja 18-il goal u pprovda 17-il assist minn 26 logħba fil-kompetizzjonijiet kollha dan l-istaġun, iżda l-player ta’ 22 sena ma rnexxilux isib ix-xibka fi draw ta’ 1-1 kontra Lyon il-Ħadd filgħaxija.