F’temp ta’ 12-il siegħa, il-Ċentru Malti għall-Kordinazzjoni u s-salvataġġ rċieva żewġ talbiet għall-għajnuna minn żewġ bastimenti tas-sajd.
Persuna minnhom kienet qed issofri minn xi ġrieħi filwaqt li l-oħra kienet qed issofri minn xi kundizzjonijiet mediċi oħra. F’dawn iż-żewġ operazzjonijiet intuża l-ħelikopter AW139 tal-AFM li permezz tiegħu setgħu jsiru l-evakwazzjonijiet mill-baħar.
Mill-Air Wing Base, fejn niżel il-ħelikopter, iż-żewġ persuni ttieħu lejn l-Isptar Mater Dei għall-kura meħtieġa.