L-istudenti prospettivi għandhom sal-14 ta’ Awwissu biex jissottomettu applikazzjonijiet onlajn għal korsijiet full-time fil-Malta College of Arts, Science and Technology (MCAST).
Il-korsijiet huma disponibbli fis-seba’ istituti u l-erba’ kampus tal-f’Raħal Ġdid (Paola), il-Mosta, Ħal Qormi u Għawdex. Il-Katalgu tal-Korsijiet għas-sena akkademika 2026/2027 jagħti d-dettalji ta’ kull programm, inklużi r-rekwiżiti tad-dħul u jgħin lill-applikanti jagħżlu l-kors li l-aħjar jaqbel mal-preferenzi u l-kwalifiki tagħhom.
Studenti li qed itemmu l-iskola sekondarja jistgħu jagħżlu korsijiet li jvarjaw mil-livell tad-dħul (entry-level) sal-livell ta’ diploma avvanzata (skont il-kwalifiki tagħhom). Imbagħad jistgħu jkomplu jistudjaw fil-livelli ta’ Baċellerat, Masters u dottorat, peress li l-MCAST joffri korsijiet fil-livelli kollha tal-MQF.
Il-Prinċipal tal-MCAST, Stephen Vella, qal: “L-għażla ta’ x’għandek tagħmel wara hija waħda mill-akbar deċiżjonijiet li jieħu kull żagħżugħ jew żagħżugħa. Fl-MCAST, nemmnu li r-riżultati tiegħek għandhom jiftħu l-bibien, mhux jagħlquhom. Nemmnu li kull student għandu l-potenzjal”
L-MCAST qed toffri wkoll assistenza mingħajr ħtieġa ta’ appuntament (walk-in) lil dawk li qed japplikaw għall-ewwel darba u li għandhom bżonn l-għajnuna biex jissottomettu applikazzjoni onlajn. Is-servizz huwa disponibbli mit-Tnejn sal-Ġimgħa, mid-9:00 a.m. sa 12:00 p.m., fl-Istudent House, fil-Kampus Prinċipali tal-MCAST, ġewwa Raħal Ġdid.
Il-Katalgu totali tal-Kors 2026/2027 u l-portal tal-applikazzjoni online huma disponibbli fuq il-websajts tal-MCAST, u l-tad-dħul jista’ kkuntattjat fuq 23987888 sas-2pm.