Rapporti qed isostnu li teżisti possibbiltá kbira li l-Arabja Sawdija tista’ tixtri l-kompetizzjoni taċ-Champions League mingħand il-UEFA.
Bil-prezzijiet taż-żejt bħalissa qed jiżdiedu, rapport ġdid minn esperti finanzjarji fil-pjattaforma ta‘ investiment Saxo jemmenu li ċ-Champions League tista’ tinxtara minn kumpanija Sawdita, proprju s-sena d-dieħa, u tkun riformata f’World Champions League ġdida.
L-esperti qed ibassru wkoll li jekk din il-”ħolma” sseħħ, bosta jkunu dawk il-clubs li se jibbenifikaw mis-swieq finanzjarji hekk kif jaraw il-prezz tal-ishma tagħhom jirdoppja bħala riżultat.
Il-Kap tal-Istrateġija dwar il-Komoditajiet, Ole Hansen, u l-Analista Tekniku, Kim Cramer, tal-kumpanija Saxo, qalu:
“Ir-ristrutturar radikali tal-Arabja Sawdija tal-ekonomija tagħha lil hinn mid-dipendenza fuq id-dħul miż-żejt biex issir qawwa tat-turiżmu u tad-divertiment, tirċievi spinta qawwija minn żieda meteorika fil-prezzijiet taż-żejt, li laħqu $150 kull barmil madwar nofs is-sena fuq domanda aktar b’saħħitha milli mistenni, hekk kif it-trasformazzjoni ekoloġika tibda tfarrak l-ispejjeż li qed jogħlew, u wara l-Organizzazzjoni tal-Pajjiżi Esportaturi taż-Żejt (OPEC+) , immexxija mill-Arabja Sawdija, iżżomm soda fuq il-provvista.
“F’dawn l-aħħar snin, il-Prinċep tal-Kuruna Sawdija, Mohammed bin Salman, dilettant magħruf tal-football, kien il-moħħ tat-tiġdid tas-Saudi Pro League, b’enfasi fuq prestazzjoni mtejba fil-ground permezz tal-akkwist ta’ players ta’ klassi dinjija sabiex sar wieħed mill-aqwa 10 kampjonati tal-football fid-dinja.
“Madankollu, bid-dħul miż-żejt li qed jiżdied, il-Prinċep qed jara opportunità eċċellenti biex jimxi pass ‘il quddiem u, appoġġjat mill-FIFA, ir-Renju jniedi tentattiv b’suċċess biex jixtri ċ-Champions League, wieħed mill-aktar tournaments tal-football prestiġjużi fid-dinja.”
Ir-rapport jissuġġerixxi wkoll li l-World Champions League tkun tikkonsisti minn 48 team, bit-timijiet Ewropej ikunu garantiti 32 post fil-kompetizzjoni. L-Asja, l-Afrika u l-Amerika, jingħataw ħames postijiet kull wieħed, bil-post li jifdal imur għall-Oċeanja.
Fil-biċċa l-kbira, il-kompetizzjoni l-ġdida li tintlagħab fil-belt kapitali tal-Arabja Sawdija, Riyadh, se tkun milqugħa mill-clubs minħabba l-flus offruti lilhom – xi ħaġa li l-FIFA ma qatt ma setgħet tipprovdi fit-Tazza tad-Dinja tal-Clubs.
L-Arabja Sawdija trid li tagħmel liċ-Champions League bħala kompetizzjoni globali.
“Issa għandhom iċ-ċwievet tal-kompetizzjoni għażiża tal-futbol, l-Arabja Sawdija immedjatament jimxu biex jibdluha f’kompetizzjoni globali ta’ klabbs li l-FIFA, minkejja li offriet premjijiet ta’ $150 miljun (£119m), kienet ippruvat iżda naqset milli tistabbilixxi fost ir-reżistenza mill-UEFA u l-UEFA. L-Assoċjazzjoni Ewropea tal-Klabbs, u mhux l-inqas l-akbar klabbs fl-Ewropa, jibżgħu mir-riskju tal-għeja tal-plejers,” żied Hansen.
