Matul il-ġurnata tal-lum, se jkun qed jitella’ l-Med9 fejn numru ta’ persuni distinti fosthom disa’ Ministri minn pajjiżi differenti se jkunu qegħdin jiffukaw fuq l-enerġija rinovabbli u l-irwol tal-Mediterran bħala ċentru għall-enerġija ħadra.
Il-pajjiżi li se jieħdu sehem f’din il-laqgħa apparti Malta, huma Spanja, l-Italja, il-Kroazja, il-Greċja, Franza, Slovenja, il-Portugal u Ċipru.
Malta se tiġi irrapreżentata mill-Ministru għall-Enerġija, l-Intrapriża u l-Iżvilupp Sostenibbli Miriam Dalli. Il-Kummissarju tal-Unjoni Ewropea għall-Enerġija Kadri Simon ukoll mistennija tkun preżenti.
