Ritratt: Getty Images
L-ex player ta’ Ajax Jerge Hoefdraad jinsab f’qagħda kritika u qed jiġġieled għal ħajtu wara li ġew sparati tiri f’rasu wara t-tentattiv tiegħu li jferraq argument f’festin f’Amsterdam.
Nhar it-Tnejn ġie rrappurtat ħażin fl-Olanda li Hoefdraad, ta’ 35 sena, kien miet wara li ġarrab ġrieħi serji, iżda l-pulizija issa kkonfermaw li l-istqarrija inizjali ma kinitx korretta.
Minflok, Hoefdraad, li lagħab ma’ Ajax bħala żagħżugħ flimkien ma’ Ryan Babel, jinsab l-isptar – bil-pulizija tiskuża ruħha mal-familja tiegħu.
Dikjarazzjoni mill-pulizija f’Amsterdam qalet: ‘Għad-dispjaċir tagħna, il-messaġġ ġie rrappurtat ħażin illum wara nofsinhar rigward il-mewt tal-vittma ta’ 35 sena wara inċident li kien jinvolvi sparatura fi Stekkenbergweg.
‘Huwa jinsab f’qagħda kritika ħafna l-isptar. Aħna jiddispjaċina ħafna ta’ dan u niskużaw ruħna mal-familja tiegħu. ‘
Babel ta ġieħ lill-ex sieħbu tat-team tiegħu waqt li poġġa tweet bl-isem ta’ Hoefdraad u emoji jibki, iżda issa ħareġ li l-ex stilla għadu ħaj.
Huwa ġie introdott fil-football tal-elite ma’ RKC Waalwijk u kompla biex kellu tliet perjodi ma’ Almere City.
Barra minn hekk, il-winger lagħab ukoll ma’ Telstar u Cambuur.
Hoefdradd irrappreżenta lil Cambuur bejn l-2011 u l-2013, u għamel 43 dehra fil-kampjonat.
Dan l-aħħar lagħab ma’ ASC De Volewijckers.
