L-FA Community Shield tal-2022 bejn Manchester City u Liverpool se ssir fil-King Power Stadium ta’ Leicester City fit-30 ta’ Lulju fis-6:00pm.
Il-Foxes, li rebħu l-kompetizzjoni fl-2021, se jospitaw din il-partita tradizzjonali qabel l-istaġun 2022-23 hekk kif il-finali tal-UEFA Women’s Euro 2022 hija skedata li ssir f’Wembley Stadium ġurnata biss qabel.
Iċ-champions tal-Premier League Man City issa se jiltaqgħu mar-rebbieħa tal-FA Cup Liverpool fl-istadium li jesa’ 32,000 persuna għall-100 edizzjoni tal-Community Shield fi tmiem il-ġimgħa qabel jibda l-istaġun.
