Għeb f’Settembru tas-sena 2014. Kien tifel li kellu biss ftit snin. Tifel li kien ferraħ u mela id-dar ta’ koppja li kienu qegħdin jagħmlu l-fostering miegħu. Ħabta u sabta inħataf. Il-ġenituri ilhom snin jitħabtu biex jiskopru x’kien ġara u għaliex għeb f’post fil-kosta ta’ New South Wales fl-Awstralja. It-tifel William Tyrrell li kellu tlett snin, hu suġġett ta’ inkjesta li issa jidher li waslet lejn it-tmiem tagħha.
Missieru quddiem l-inkjesta iddikjara li “l-imħabba tagħna lejn William qatt ma naqset. Allavolja għadda iż-żmien din baqgħet l-istess. Idejja għadhom sal-lum ikunu jridu jgħannuh”.
L-investigaturi, waħda mill-problemi li kienu qed jiffaċċjaw kienet dik li m’hemmx evidenza forensika. Jidher li anki ir-riżorsi tal-Pulizija li kienu disponibbli għal dan il-każ kienu skarsi.
Il-ġenituri qed jibżgħu li l-persuni li setgħu wettqu dan il-ħtif, setgħu anke mietu u għalhekk dan jagħmilha diffiċli ħafna biex tinħareġ il-verità.
Bil-ġenituri jiddikjaraw li l-aktar inkwiet tagħhom hu li min ħatfu għadu jiġri barra, qalu li t-tifel dejjem kellu ix-xewqa li jingħaqad mal-Pulizija meta jikber. Ommu spjegat fl-inkjesta kif hu kien jieħu gost jisma’ l-istejjer li kienet taqralu ta’ ‘Fireman Sam”.
Il-ġenituri naturali ta’ William ukoll ikkummentaw u qalu li dawn kienu sitt snin ta’ uġigħ kbir.
Ir-riżultat tal-inkjesta mistenni jkun pubblikat f’Ġunju tas-sena 2021. It-tifel kien għġeb f’Kendall fit-12 ta’ Settembru tas-sena 2014 waqt li hu kein qed jilgħab fid-dar tan-nanna ta’ l-omm li kienet qed tiffosterjah. Tyrrel baqa’ qatt ma instab. Kien inħareġ premju ta’ anke $1 miljun għam min jagħti dettalji biex jinstab it-tifel.
It-tifel kien għeb b’mod misterjuż ħafna. Hu kien qed jilgħab ma’ oħtu għand in-nanna tiegħu. Jidher li huma kienu qed jilagħbu noli kemm fil-ġnien ta’ quddiem id-dar u anke f’dawk ta’ wara. Ommu li ffosterjatu u ommha kienu fuq barra jaraw it-tfal jilagħbu. F’ħin minnhom ommu daħlet ġewwa biex tagħmel ftit kafe u anke biex tara fejn hu it-tifel għax kienet ilha xi ħames minuti ma tisimgħu. It-tifel baqa’ qatt ma instab.