Tard it-Tnejn filgħaxija l-Prim Ministru Ingliż Boris Johnson ħabbar lockdown nazzjonali għall-Ingilterra wara li l-infezzjonijiet żdiedu fil-pajjiż.
Il-lockdown mistenni jdum mill-anqas sa nofs ix-xahar li ġej. Johnson qal li l-iskejjel kollha se jinżammu magħluqin u li t-tagħlim kollu jeħtieġ li jsir online. Johnson appella biex kulħadd jobdi r-restrizzjonijiet imħabbra ħalli titrażżan l-imxija.
Fil-jum tat-Tnejn fir-Renju Unit ġew irrappurtati kważi 60,000 każ ġdid u mietu aktar minn 400 persuna kaġun tal-virus tal-Covid-19.
Aktar qabel fl-Iskozja wkoll ġie ordnat lin-nies biex ma joħorġux minn djarhom ħlief f’każijiet ta’ emerġenza. Dan tal-Iskozja se jkun qed jiġi rivedut lejn l-aħħar ta’ dan ix-xahar.
