Lee Walker irkupra minn żewġ frames minn taħt meta kien fadal tlieta oħra biex għeleb lil Jimmy White 5-4 fil-finali tal-World Seniors Snooker Championship li saret fil-Crucible Theatre.
Il-player ta’ 46 sena kien l-aħħar player li fadal f’Sheffield bit-titlu jirrappreżenta l-akbar rikonoxximent tal-karriera tiegħu s’issa.
Walker, li kkwalifika għall-main draw fi Frar, beda l-kampanja tiegħu fir-round preliminari b’rebħa 3-0 fuq Tony Knowles qabel l-eliminazzjoni impressjonanti ta’ Stephen Hendry bl-istess skor fl-aħħar 16, riżultat li kien jinkludi break ta’ 121.
Imbagħad huwa daħal lura minn 2-0 minn taħt biex ċaħħad lil Ken Doherty 4-2 fil-kwarti-finali u kien saħansitra aktar ‘il bogħod hekk kif għeleb liċ-champion renjanti, David Lilley, fis-semifinali b’mod memorabbli meta dawwar żbilanċ ta’ 3-0 f’rebħa ta’ 4-3.
L-avversarju tiegħu fil-finali kien ir-rebbieħ tliet darbiet, Jimmy White, li kien qed jidher fir-raba’ finali konsekuttiva tiegħu.
Fil-finali White beda bi break ta’ 64 u mar 3-1 minn fuq sal-mistrieħ. Imbagħad Walker għamel 72 fil-ħames frame, iżda White għamilhom 4-2 u ġie frame bogħod mit-titlu.
Walker rebaħ is-seba’ frame biex sforza l-frame deċiżiv bi clearance ta’ 79 fit-tmien wieħed. Walker salva l-ogħla sforz tiegħu tal-kompetizzjoni sal-aħħar, għalkemm ħataf l-opportunità tiegħu fil-frame deċiżiv bi break ta’ klassi ta’ 83 biex għolla t-trofew u sar il-11-il rebbieħ differenti ta’ dan it-titlu prestġjuż.
