Is-surveys ippubblikati f”L-ORIZZONT’ u ‘IT-TORĊA’ maħdumin mill-istatistiku Dott. Vincent Marmara’ għal darb’oħra matul il-kampanja elettorali reġgħu kienu korretti.
Fl-ewwel reazzjoni tiegħu, Dott. Marmara’ qal li l-ewwel indikazzjonijiet miċ-Ċentru tal-Għadd tal-Voti fin-Naxxar bdew juru li r-riżultat tal-Elezzjoni Ġenerali 2022 ser ikun simili għal dak tal-aħħar stħarriġ li ppubblika fl-aħħar xahar.
Ix-xejriet fir-riżultati kienu konsistenti tul il-kampanja kollha. “Għal darb’oħra, wassaltilkom informazzjoni korretta. Għal darb’oħra, erġajt kont fuq in-naħa t-tajba tal-istorja,” stqarr b’emfasi l-istatistiku.
