Dalgħodu, l-NGO St John Rescue Corps ippreżentat l-aħħar żidiet fil-flotta tagħha. Din iż-żieda kienet tikkonsisti f’dinghi tas-salvataġġ u vettura tat-tifi tan-nar.
Id-dinghi ġie sostanzjalment iffinanzjat minn sfida ta’ ġbir ta’ fondi tal-kayaking li saret is-sena l-oħra bl-isem ta’ # Kayak4StJohnRescue. B’hekk issa dan id-dinghi huwa t-tieni wieħed fil-flotta ta’ St John Rescue Corps.
Grazzi għal diversi sponsors u donaturi, din l-NGO issa għandha dgħajsa oħra ta’ prestazzjoni għolja li tippermetti lill-voluntiera tagħha jwettqu operazzjonijiet ta’ salvataġġ u biex jipprovdi sigurtà f’avvenimenti relatati mal-baħar bħalma huma avvenimenti sportivi.
Il-vettura tat-tifi tan-nar il-ġdida tista’ ġġorr sa ħames pumpieri u hija mgħammra b’tagħmir protettiv personali u apparat għan-nifs, fost l-oħrajn.