Il-Qorti Suprema f’Londra laqgħet rikors imressaq minn Lidl biex twaqqaf lil Tesco milli tikkopja l-logo tagħha. F’April, Tesco tilfet kawża ta’ trademark miġjuba mir-rivali iżgħar tagħha wara li adottat ċirku isfar fuq sfond blu biex tippromwovi l-iskema ta’ skont magħrufa ‘Clubcard Prices’.
Lidl issa talbet mandat ta’ inibizzjoni li ma jħallix lil Tesco milli tuża it-trademark tagħha u argumentat ix-xahar li għadda li l-mandat kien meħtieġ biex iwaqqaf lil Tesco milli tqarraq bil-konsumaturi.
L-avukati ta’ Tesco argumentaw li ma kienx hemm bżonn li tiġi imposta inġunzjoni u li l-ksur minn Tesco tat-trademark ta’ Lidl seta’ jiġi solvut billi jitħallas ammont żgħir ta’ danni.
Iżda l-Imħallef Joanna Smith ddeċidiet li Lidl hija intitolata għal mandat ta’ inibizzjoni, li mhux se jidħol fis-seħħ sakemm xi appelli minn Lidl u Tesco – li t-tnejn qalu li se jikkontestaw id-deċiżjoni oriġinali tal-qorti – ikunu solvuti.
“L-uniku mod ċert biex jintemm it-telf li qed iġarrbu Lidl minħabba l-użu kontinwu tas-sinjali (Prezz tal-Clubcard) huwa li tingħata inġunzjoni finali,” qalet l-Imħallef.
Il0-Qorti tat lil Tesco disa’ ġimgħat żmien biex tneħħi l-logos kollha tal-Prezzijiet tal-Clubcard ladarba jintemmu l-proċeduri, f’każ li Tesco titlef l-appell.
