Liverpool jinsabu quddiem Arsenal u Leeds United fit-tellieqa għall-istilla ta’ Club Brugge, Noa Lang.
Iż-żagħżugħ ta’ 22 sena gawda minn bidu mill-aqwa fl-ogħla diviżjoni Belġjana dan l-istaġun u pproduċa wkoll wirja mill-aqwa fejn ħa l-Player tal-Logħba kontra Paris Saint-Germain fiċ-Champions League.
Lang kien marbut ma’ tarsferiment ma’ Leeds matul is-sajf, filwaqt li Arsenal issa qed jingħad li qed jippjanaw offerta ta’ Jannar għall-internazzjonali Olandiż.
Madankollu, Liverpool issa jinsabu favoriti għall-firma ta’ Lang, għalkemm AC Milan issa daħlu wkoll fit-tellieqa.
Il-manager ta’ Brugge, Philippe Clement, qabel ammetta li l-club tiegħu jista’ jkun impotenti biex iwaqqaf lil Lang li jħalli l-club f’Jannar, iżda huma mistennija jaċċettaw offerta ta’ €25m (£ 21.1m) biex iċedu lill-attakkant.
Lang skorja 21 goal u pprovda 16-il assist minn 51 logħba bil-flokk ta’ Brugge, u l-ftehim tiegħu maċ-champions tal-Jupiler Pro League jiskadi fl-2025, bl-ex stilla ta’ Ajax jimpenja kuntratt ġdid mal-club ix-xahar li għadda.
