Liverpool ħabbru l-iskwadra tagħhom għall-ewwel fażi tal-UEFA Champions League, bil-manager il-ġdid Andoni Iraola jieħu xi deċiżjonijiet sorprendenti.
Federico Chiesa u Wataru Endo tħallew barra mill-iskwadra ta’ 25 player, minkejja li t-tnejn jistgħu jilagħbu fil-Premier League. Chiesa kellu staġun diffiċli minħabba nuqqas ta’ minuti u injury fil-muskoli, filwaqt li Endo kien affettwat ukoll minħabba l-kompetizzjoni f’nofs il-ground.
Min-naħa l-oħra, Iraola inkluda tliet players li bħalissa jinsabu mweġġgħin: Hugo Ekitike, Conor Bradley u Giovani Leoni. Ekitike, li kien l-aqwa skorer ta’ Liverpool l-istaġun li għadda, għadu qed jirkupra minn injury fl-Achilles. Bradley ilu barra minħabba injury fl-irkoppa, filwaqt li Leoni sofra injury fl-ACL fid-debutt tiegħu u mistenni jirritorna għat-taħriġ aktar tard dan ix-xahar.
L-inklużjoni tagħhom tista’ tindika li r-ritorn tagħhom jinsab fil-viċin.
L-assenza ta’ Chiesa u Endo tista’ wkoll tagħti lil Liverpool aktar flessibbiltà biex jirreġistraw akkwist ġdid fiċ-Champions League, f’Jannar li ġej.
Goalkeepers: Alisson, Mamardashvili, Woodman, Jaros
Difensuri: Gomez, Van Dijk, Jacquet, Kerkez, Bradley, Leoni, Tsimikas, Frimpong, Araujo, Chambers, Mabaya
Midfielders: Wirtz, Szoboszlai, Mac Allister, Munoz, Gravenberch, McConnell
Attakkanti: Isak, Gakpo, Ekitike, Barcola.
