Liverpool ħejjew offerta ġdida ta’ kuntratt għall-attakkant tagħhom ta’ 30 sena, Roberto Firmino.
Il-ftehim attwali tal-player Brażiljan f’Anfield jiskadi fi tmiem l-istaġun 2022-23, u mingħajr ma jkun għadu hemm ftehim dwar tiġdid, huwa jkun liberu li jħalli lill-club bi free transfer malli jiskadi.
Bil-wasliet ta’ Diogo Jota u Luis Diaz matul l-aħħar żewġ staġuni, Firmino ra l-ħin tal-logħob tiegħu jonqos flimkien ma’ Mohamed Salah u Sadio Mane fl-attakk ta’ Liverpool.
Madankollu, huwa mifhum li l-club minn Merseyside jixtieq iżomm lil Firmino flimkien mal-erba’ għażliet ta’ quddiem l-oħra tagħhom imsemmija qabel, u b’riżultat ta’ dan ħejjew estensjoni tal-kuntratt.
Għalkemm, hija mistennja l-offerta mill-club, għadu mhux ċar jekk Firmino jixtieqx itawwal l-esperjenza tiegħu f’Anfield, b’Liverpool se jikkonċentraw fuq taħditiet kuntrattwali ma’ Salah u Mane qabel jiftħu taħdidiet mal-Brażiljan.
Firmino ngħaqad ma’ Liverpool mingħand Hoffenheim għal madwar £37m fis-sajf tal-2015, u s’issa dan l-istaġun, għamel 31 dehra fil-kompetizzjonijiet kollha, fejn skorja 11-il goal.
