Liverpool qed iqisu lill-winger ta’ Porto, Otavio, bħala sostitut potenzjali għal Divock Origi li fl-aħħar jiem ġie kkonfermat li se jħalli Anfield fi tmiem l-istaġun malli jiskadielu l-kuntratt, wara tmien snin mal-finalisti taċ-Champions League.
Il-player Belġjan tħabat biex ikun utilizzat b’mod regolari minħabba l-forma tal-attakkanti tat-team immexxi mill-manager Ġermaniż Jurgen Klopp f’dawn l-aħħar snin b’mod partikolari, b’Mohamed Salah, Sadio Mane, Roberto Firmino, Diogo Jota u Luis Diaz kollha kienu qed jiġu ppreferuti minnu b’mod regolari.
