Liverpool issottomew offerta uffiċjali għall-attakkant internazzjonali Urugwajan ta’ Benfica, Darwin Nunez.
Il-club Portugiż qed jitlob is-somma ta’ €85 miljun iżda għad mhix magħrufa ċ-ċifra tal-offerta tar-Reds.
Il-coach ta’ Liverpool, Jurgen Klopp, għamel lil Nunez u lil Aurelien Tchouameni ż-żewġ prioritajiet tas-suq tat-trasferimenti ta’ dan is-sajf iżda d-difensur Franċiż għażel li jingħaqad ma’ Real Madrid.
Għaldaqstant, Liverpool se jagħmlu dak kollu fil-poter tagħhom biex jakkwistaw il-firma tal-attakkant ta’ 22 sena li minkejja li hemm bosta clubs qed jiġru wara s-servizzi tiegħu, huwa għamilha ċara li jrid imur jilgħab f’Anfield.
