Liverpool huma lesti li jiftħu negozjati ġodda dwar kuntratt ma’ Sadio Mane.
L-internazzjonali tas-Senegal fadallu ftit aktar minn sena fil-kuntratt eżistenti tiegħu f’Anfield, u b’hekk l-uffiċjali ta’ Liverpool jitpoġġew f’pożizzjoni li jridu jistabbilixxu l-futur tal-attakkant.
Kif mistenni, il-player ta’ 30 sena mhux jonqos minn ammiraturi b’ Barcelona u Bayern Munich it-tnejn li huma qalu li qed isegwu s-sitwazzjoni qabel offerta potenzjali.
Huwa mifhum li taħditiet bejn il-kamp ta’ Mane u Liverpool huma skedati għall-aħħar tal-istaġun bil-club qed jikkompeti għar-rebħ ta’ unuri maġġuri.
Filwaqt li Mane bħalissa jinsab kuntent f’Merseyside, jidher li l-attakkant mhux jopponi li jgawdi l-idea ta’ trasferiment ma’ xi club ieħor.
L-iżvilupp jasal fi żmien meta l-kuntratti ta’ Mohamed Salah u Roberto Firmino għandhom jiskadu wkoll fl-2023, u b’hekk l-uffiċjali ta’ Liverpool għandhom ħafna xogħol quddiemhom fix-xhur li ġejjin.
