Liverpool huma lesti li jippruvaw jiffirmaw lill-attakkant ta’ Nantes, Randal Kolo Muani fl-aħħar jiem tat-tieqa tat-trasferimenti ta’ Jannar.
Iż-żagħżugħ ta’ 23 sena huwa liberu li jidħol f’diskussjonijiet ma’ clubs barranin wara li daħal fl-aħħar sitt xhur tal-ftehim tiegħu ma’ Nantes, u mhux maħsub li se jkun qed jiffirma estensjoni.
Wara li skorja seba’ goals u pprovda tliet assists għat-team immexxi minn Antoine Kombouare fl-istaġun 2021-22 tal-Ligue 1, il-forma ta’ Kolo Muani ġibdet interess minn clubs bħal Tottenham Hotspur.
Madankollu, il-manager Ġermaniż Jurgen Klopp irid li Liverpool jagħmlu spinta tard għall-attakkant f’Jannar, u ħlas ta’ £7 miljuni jista’ jissiġilla l-ftehim.
Liverpool mhumiex waħedhom fit-taqtiegħa għall-firma ta’ Kolo Muani, madankollu, b’Marseille, AC Milan u Eintracht Frankfurt ukoll maħsuba li qed iżommu ħarsithom mill-qrib fuq l-iżviluppi.
Muani – li lagħab tliet logħbiet għal Franza fl-Olimpjadi ta’ Tokyo 2020 – skorja total ta’ 17-il goal u pprovda 12-il assist f’67 logħba għal Nantes minn mindu daħal fl-akkademja taż-żgħażagħ tagħhom.
