Arsenal se jkunu qed jagħmlu minn kollox biex jevitaw li jakkwistaw rekord mhux mixtieq ta’ 60 sena meta Burnley jagħmlu żjara fl-Emirates Stadium illum il-Ħadd.
Il-Gunners għadhom bla rebħa mill-bidu tas-sena, tilfu tlieta mill-erba’ logħbiet tagħhom fit-kompetizzjonijiet kollha u sfaw eliminati mill-FA Cup u l-EFL Cup fi żmien xahar.
L-ewwel logħba ta’ Arsenal fl-2022 rathom jipproduċu wirja soda kontra ċ-champions renjanti Manchester City, iżda l-goals ta’ Rodri u Riyad Mahrez fl-aħħar mumenti rawhom isofru telfa ta’ 2-1.
Jekk Burnley jirnexxielhom jegħlbu lil Arsenal għal darb’oħra, din tkun qed timmarka l-ewwel darba mill-1962 li Arsenal tilfu l-ewwel żewġ logħbiet tagħhom tal-kampjonat f’darhom tas-sena kalendarja.
Barra minn hekk, ilhom 10 snin minn meta Arsenal tilfu l-ewwel żewġ logħbiet tagħhom tal-Premier League tas-sena, minn meta kienu tilfu kontra Fulham u Swansea City barra minn darhom fl-istaġun 2011-12.
It-team immexxi minn Mikel Arteta sofra telfa ta’ 1-0 ġewwa daru kontra Burnley l-istaġun li għadda, bil-goal għal dawn tal-aħħar jasal b’auto-goal ta’ Pierre-Emerick Aubameyang.
