Id-diriġenti ta’ Manchester United u Liverpool qed isegwu sew it-Tazza tad-Dinja fil-Qatar sabiex isibu xi plejer jew plejers li jistgħu jingħaqdu magħhom f’Jannar li ġej waqt is-suq tat-trasferimenti tax-xitwa.
Wieħed minn dawn hu Enzo Fernandez li għandu 21 sena u li bħalissa qed jilgħab ma’ Benfica fil-Portugall.
Dan il-plejer xpruna lill-Arġentina f’waħda mill-partiti hekk kif skorja t-tieni gowl fir-rebħa li kellhom kontra l-Messiku.
Benfica mhux se jċedu lil dan il-plejer kif ġieb u laħaq għalkemm lesti jisimgħu xi offerti mingħand ir-Red Devils u r-Reds.
