Diversi ġurnali u siti elettroniċi Taljani qed jispekulaw ferm fuq il-futur tad-diriġenza ta’ Juventus wara r-riżenja tal-president Andrea Agnelli.
S’issa d-direttur sportiv Federico Cherubini mistenni jibqa’ mal-Bianconeri almenu sal-aħħar ta’ dan l-istaġun għalkemm diġa’ qed jissemmew xi ismijiet li mistennija joħdulu postu minn Lulju ‘l hemm.
Fost l-oħrajn kien hemm l-ismijiet ta’ Cristiano Giuntoli ta’ Napoli, Igli Tare ta’ Lazio u Gianluca Petrachi ta’ Torino.