Lukanda tixgħel kmamar biex tifforma l-kelma “HOPE”

Il-lukanda Cavalieri li tinsab f’San Ġiljan attirat lil bosta nies hekk kif xegħlet 44 kamra biex mill-bogħod ġew jidhru jiffurmaw il-kelma “HOPE”. Il-lukanda hija waħda minn dawk li kellha tagħlaq il-bibien tagħha temporanjament minħabba l-Covid19 imma l-maniġment xtaq iwassal messaġġ ta’ tama lill-poplu f’dawn iż-żminijiet ta’ inċertezza.