L-attakant Luke Montebello ħabbar l-irtira mill-football.
Il-plejer ħabbar uffiċjalment li rtira mill-futbol wara snin ta’ dedikazzjoni, sagrifiċċji u esperjenzi li sawru l-karriera tiegħu fil-logħba.
Fi stqarrija emozzjonanti fuq facebook, il-plejer ħabbar it-tmiem ta’ kapitlu importanti f’ħajtu, fejn irringrazzja lil kull klabb li rrappreżenta, lil sħabu fit-tim, lill-kowċis u lill-partitarji li kienu ta’ sostenn għalih matul is-snin.
Matul il-karriera tiegħu, il-plejer irreġistra 354 dehra u skorja 120 gowl, statistika li timmarka l-vjaġġ tiegħu fil-futbol.
Ringrazzjament speċjali mar ukoll lejn il-familja tiegħu, li kienet parti importanti minn dan il-vjaġġ.
“Nitlaq mill-futbol bi kburija, gratitudni u mingħajr ebda dispjaċir,” kien il-messaġġ tiegħu, filwaqt li ddeskriva din id-deċiżjoni bħala t-tmiem ta’ era speċjali.
Minkejja li issa se jkun qed iwarrab bħala plejer, l-imħabba tiegħu lejn il-futbol tibqa’ parti minn ħajtu.
Tmiem ta’ era, 354 partita u 120 gowl — kapitlu li se jibqa’ mnaqqax fil-memorja tiegħu.
