Magħruf il-kwadru kollu tal-UEFA Europa League

Meta ntlagħbet l-aħħar jew aħjar it-tmien ġurnata tal-Fażi tal-Kampjonat tal-UEFA Europa Lea­gue, sar magħruf il-kwadru kollu – it-tmien timijiet li kisbu l-kwalifikaz­zjoni diretta għall-Aħħar 16 … is-16-il team li se jilagħbu fil-play-offs … u t-12-il team li sfaw eliminati.  

It-timijiet li spiċċaw fl-ewwel tmien postijiet hu­ma: Lazio, Athletic Bilbao, Manchester United, Tottenham, Eintracht Frankfurt, Lyon,  Olympiakos u Ran­gers.

Braga v Lazio – Minkejja li Lazio sfaw megħluba minn Braga bl-iskor ta’ 1-0, huma xorta waħda temmew fil-quċċata ta’ din il-fażi. 

L-uniku goal wasal minn Ricardo Horta (6). 

Steaua v Man Utd– Manchester United marru r-Rumanija u għelbu lil Steaua Bucharest bl-iskor ta’ 2-0 biex temmew fit-tielet post … biż-żewġ goals jaslu fit-tieni taqsima minn Diogo Dalot (60) u Kobbie Mai­noo (69).

Roma v Eintracht F. – Roma ospitaw lil Eintracht Frankfurt u għelbuhom bl-iskor ta’ 2-0, permezz ta’  Angelino (44) u Eldor Shomurodov (69) 

Ajax v Galatasaray– Ajax għelbu lil Galatasaray 2-1 bil-protagonisti jkunu Bertrand Traore (23) u Kian Fitz Jim (58) filwaqt li Victor Osimhen wieġeb għat-Torok.

Tottenham v Elfsborg – F’darhom Tottenham issuperaw lil Elfsborg bl-iskor ta’ 3-0 grazzi għall-goals ta’ Dane Scarlett (70), Oyindamola Ajayi (84) u Mikey Moore (92). 

Anderlecht v Hoffenheim – Anderlecht laqgħu lil Hoffenheim sfaw megħ­luba bl-is­kor ta 4-3.

Luis Vasquez (18), Kei­suke Goto (80) u Ludwig Augustinsson (88) skorjaw għal Anderlecht filwaqt li Robin Hranac (41), Tom Bischof (54), David Mokwa (60) u Adam Hlozek (65) skorjaw għall-Ġermaniżi.

Rangers v St Gilloise – Rangers kisbu rebħa diffiċli ta’ 2-1 fuq St Gilloise bil-goals jaslu minn Nicolas Raskin (21) u Vaclav Cerny (55) filwaqt li Kevin Mac Allister (84) irrisponda għall-Belġjani.

POLOZ TAL-PLAY-OFFS

Illum, f’Nyon, l-Isvizzera, f’12.00 pm, jittellgħu l-poloz tal-play-offs għall-Aħħar 16 tal-UEFA Champions League. 

L-ewwel legs jintlagħbu fil-11 u fit-12 ta’ Frar filwaqt li t-tieni legs jintlagħbu fit-18 u fid-19 ta’ dan ix-xahar ukoll. 

Il-poloz tal-UEFA Euro­pa League jittellgħu fis-1.00 pm filwaqt li dawk tal-UEFA Conference League jittellgħu fis-2.00 pm.