Minn Cristian Muscat
MOSTA………. 2
BALZAN……… 1
Mosta komplew bil-bidu ta’ staġun pożittiv tagħhom meta għelbu lil Balzan bl-iskor ta’ 2-1, biex b’hekk għandhom punti massimi.
Kienu Balzan li ħolqu l-ewwel periklu fis-seba’ minuta, meta xutt inisiddjuż ta’ Dimeji Awosanya mid-distanza ġie salvat mingħajr diffikultá minn Akpan.
Fil-11-il minuta, Balzan qalgħu daqqa ta’ ħarta meta spiċċaw jilagħbu b’għaxar players wara li r-referee Vladimir Rizoski kkonsulta l-FVS u keċċa lill Jake Portelli permezz ta’ karta ħamra diretta wara daħla kerha fuq Prince Afriyie.
Għalkemm bi player inqas, Balzan xorta bdew jieħdu l-inizjattiva u fl-14-il minuta, xutt ieħor insidjuż ta’ Awosanya ġie mdawwar f’corner minn Akpan.
Fl-24 minuta, Mosta fetħu l-iskor wara li GIANCARLO GONCALVES rebaħ il-ballun minn fuq Doric, avvanza u b’xutt fil-baxx għeleb għal kollox lil Manuel Djalo.
Balzan wieġbu tliet minuti wara, hekk kif is-solitu Awosanya rċieva l-ballun, ġera mal-linja leminija u b’xutt minn pożizzjoni angolata sab lill-goalkeeper Akpan attent.
Fis-36 minuta, xutt ta’ Oderinde għal Mosta ġie salvat mingħajr ebda diffikultá minn Djalo.
Fl-44 minuta, Mosta rduppjaw l-iskor permezz ta’ xutt b’saħħtu ta’ PRINCE AFRIYIE minn barra l-kaxxa.
Fit-52 minuta, Balzan naqqsu l-marġni tal-iskor meta wara li rċieva minn cross preċiż ta’ Joaquim Da Silva, NIKOLA DORIC żmarkat għal kollox, b’daqqa ta’ ras b’saħħitha mill-viċin għeleb għal kollox lil David Akpan.
Ħames minuti wara, Balzan resqu viċin li jagħmlu l-iskor indaqs wara li Awosanya rċieva tajjeb fil-kaxxa u b’xutt mill-viċin ra lil Akpan idawwar tajjeb f’corner.
Fis-87 minuta, Mosta tilfu ċans tad-deheb li jiskorjaw it-tieleit goal meta Giancarlo Goncalves kompla l-ballun lejn Ohaka li minn quddiem Djalo ma rnexxielux jitfa’ l-ballun fix-xibka.
Madankollu, huma komplew jamministraw il-vantaġġ minimu li kellhom sa tmiem il-partita.
Mosta: David Udoh Akpan, Nevin Portelli (Emannuel Chukuwuemka 92), Giancarlo Goncalves, Kurt Zammit, Ernest Agyiri (Emmanuel Ugwu 61), Prince Afriyie (Geoffrey Edwin Acheampong 68), Charles Oderinde, Nathan Cross, Pedro Barbosa (Bradley Farrugia 93), Thiago Espindola, Wanderson Pinheiro Diniz (Peter Ohaka 46) – Coach: Joseph Grech
Balzan: Manuel Djalo, Nikola Doric, Jake Portelli, Jake Grech (Samir Arab 46), Lucas Macula (Isaac Davey 62), Dimeji Awosanya, Amiel Guehi (Yuel Kuach 87), Emmanuel Asante (Marzuq Yahaya Mohammed 46), Sean Cipriott (Nicholas Pulis 73), Nikola Ignjatovic, Leonardo Da Silva Coach – Coach: Andrew Cohen
Referee: Vladimir Rizoski
assistenti: Jurgen Spiteri, Vasil Vasilev
Raba’ Uff.: Glen Tonna
Skorers: G. Goncalves 24, P. Afriyie 44 (M); N. Doric 52 (B)
Ammoniti: C. Oderinde, P. Da Silva Barbosa (M)
Player tal-Logħba: David Udoh Akpan (Mosta)
