Minn Cristian Muscat
ZABBAR ST PATRICK……… 2
SLIEMA WANDERERS…….. 3
Sliema Wanderers irritornaw għar-rebħ wara sensiela ta’ erba’ logħbiet mingħajr rebħa meta għelbu lil ZSt Patrick bl-iskor ta’ 3-2 li bl-ebda mod ma wrew sintomi ta’ inferjoritá.
Dan il-konfront kien wieħed eċċitanti fejn ippreżenta ħames goals u li baqa’ inċert sal-aħħar.
Iż-Żabbarin kienu l-ewwel li ħolqu l-periklu fit-12-il minuta meta Jovicic ipprova jikkonkludi minn taħt il-lasta, iżda l-goalkeeper ta’ Sliema, Bonello, kien attent u dawwar il-ballun f’corner.
Fis-26 minuta, Zabbar ħasbu li fetħu l-iskor permezz ta’ Vinicius Mendonca, iżda l-goal ġie mħassar minħabba pożizzjoni ta’ offside. L-istess player reġa’ pprova xortih erba’ minuti wara, iżda x-xutt tiegħu spiċċa barra.
Sliema wieġbu fil-31 minuta meta Alexander Satariano venven xutt minn barra l-kaxxa, li ġie salvat mill-goalkeeper, Patrik Mohorovic li dawwar f’corner.
Il-Wanderers komplew jheddu b’Satariano jerġa’ jkun perikoluż ftit wara.
Fit-42 minuta, Sliema fetħu l-iskor permezz ta’ Sebastian Cojocaru, li wara azzjoni personali daħal fil-kaxxa u kkonkluda b’xutt fil-baxx.
Fit-tieni taqsima, iż-Żabbarin ħarġu jfittxu d-draw u rxexxielhom jagħmlu dan fl-54 minuta meta f’kontrattakk veloċi, Vinicius Mendonca għadda lejn ALFREDO AGYEMAN li b’xutt b’saħħru għeleb għal kollox lill-goalkeeper, Henry Bonello.
Madankollu, ir-reazzjoni ta’ Sliema kienet immedjata biex tliet minuti IONUT COJOCARU skorja t-tieni goal għall-Wanderers u dak personali billi kkonkluda permezza ta’ daqqa ta’ ras mill-cross ta’ Anthony Limbombe.
Fis-66 minuta, Cojocaru reġa’ resaq viċin li jiskorja, iżda Mohorovic ċaħħdu milli jagħmel dan.
Zabbar baqgħu jemmnu fil-possibbiltà li jiksbu riżultat pożittiv u fil-81 minuta ngħataw penalty wara intervent tal-Football Video Support, meta Mario Fontanella deher jitwaqqa fil-kaxxa minn Camara Calleja. L-attakkant Taljan ħa r-responsabbiltà u kkonverta mill-ħdax-il metru biex għamel l-iskor 2-2.
Meta l-partita kienet tidher li setgħet tintemm fi draw, fl-84 minuta, is-Slimiżi skorjaw dak li kellu jkun il-goal tar-rebħa.
Minn corner ta’ Teddy Teuma, ANTHONY Limbombe daħal tajjeb u skorja b’daqqa ta’ ras biex ta tliet punti importanti lill-Wanderers, li b’hekk temmew is-sensiela negattiva tagħhom.
Zabbar SP: Patrik Mohorovic, Karlo Brucic, Joao Henrique Camargo (Franck Gouhon 58), (Nicholas James Agius 73), Milos Jovicic, Jake Micallef, Strahinja Jovancic, Zean Leonardi, Vinicius Mendonca (Mario Fontanella 68), Tobias Andre Moriceau, Alfredo Agyeman, Thomas Melillo, (Kaiden Fenech 68) – Coach: Adolfo Sormani
Sliema W.: Henry Bonello, Diego Camara Calleja (Chris Kouadio 84), Teddy Teuma, Brian Gambarte, Gustavo Alcino, Anthony Limbombe (Nigel Robertha 88), Alexander Satariano, Vlatko Drobarov, Sebastian Cojocaru, Musa Alli (Mohamed Awad 77), Robin Polley – Coach: Branko Nisevic
Referee: Daniel Casha
assistenti: Vasil Vasilev u Robert Curtis
Raba’ Uff.: Wayne Sammut
Skorers: I. Cojocaru 42, 57, A. Ekango 84 (SW); A. Agyeman 54, M. Fontanella 81 (ZSP)
Ammoniti: J. Mafra, S. Jovancic, M. Jovicic, K. Brucic (ZSP); D. Calleja, A. Satariano (SW)
Player tal-Logħba: Ionut Sebastian Cojocaru (Sliema W.)
