Wednesday, April 2, 2025

Malta Premier: Sospiżi bosta players u uffiċjali ta’ Zabbar SP

Aqra wkoll

Wara l-inċidenti li seħħew fil-Gozo Stadium fil-partita (u wara) bejn Zabbar St Patrick u Mosta valida mill-Premier League, il-Kummissarju tad-Dixxiplina ppubblika r-rapport tas-sospensjonijiet fejn il-club ta’ Żabbar l-aktar li ntlaqat ħażin hekk kif players u uffiċjali ngħataw sospensjonijiet fit-tul.

Il-coach tagħhom, Aniello Parisi, ġie sospiż sal-1 ta’ Mejju u mmultat €50. L-uffiċjal Andres Quiroga ġie sospiż tal-1 ta’ Awwissu, 2025, wara li ntwera l-karta l-ħamra, filwaqt li Anthony Farrugia ngħata sospensjoni sal-1 ta’ Novembru 2025.

Ħames players ġew sospiżi għal bosta logħbiet. L-istaġun għall-goalkeeper, Justin Haber, huwa prattikament mitmum hekk kif ingħata sospensjoni ta’ ħames logħbiet, Felix Wallace Bonilha u Kristian Keqi ġew sospiżi tliet partiti kull wieħed, Jovancic Strahinja tnejn u Vinicius De Paiva waħda. 

Min-naħa ta’ Mosta, l-uniku player li ġie sospiż kien Emmanuel Prince Chibuzor li weħel żewġ partiti.

Imbagħad, l-uffiċjali Adrian Farrugia, ingħata sospensjoni ta’ erba’ logħbiet filwaqt li Tyrone Farrugia, ġie sospiż sal-1 ta’ April, 2026.

Players oħra li ġew sospiżi għal tmiem il-ġimgħa li ġej li fih jingħata bidu għat-Tieni Fażi tal-Closing Round, huma:

Samir Arab (Balzan), Guy Serge Cedric Yameogo (Flo­riana), Gareth Barone (Melita)

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport