Mill-1 ta’ Jannar li ġej l-impjegati tal-Maltco Lotteries u l-aġenti tal-lottu mhux se jkunu jistgħu jilgħabu aktar lottu.
F’ittra indirizzati lill-impjegati, aġenti, bejjiegħa, assistenti tagħhom u anke membri tal-bord tagħha Maltco Lotteries infurmathom li ma setgħux jixtru jew isarrfu biljetti ta’ kwalunkwe logħba li għandha.
Hija qaltilhom li biljett li nxtraw qabel l-introduzzjoni ta’ din il-policy jibqgħu validi sakemm id-data li nxtra tkun qabel l-1 ta’ Jannar.
Fl-ittra Maltco Lotteries wissiethom li hija tieħu passi kontra kull min jikser din il-proċedura.
