Manchester City kellhom offerta ta’ £60 miljun għall-attakkant ta’ Fiorentina, Dusan Vlahovic miċħuda fl-iktar tieqa ta’ trasferiment riċenti.
Iż-żagħżugħ ta’ 21 sena kien marbut ma’ clubs bħal Man City, Arsenal, Tottenham Hotspur u Inter matul is-sajf, iżda Fiorentina rnexxielhom iżommu l-avversarju ta’ livell għoli.
Wara li t-tamiet ta’ Man City li jiffirmaw lil Harry Kane sfumaw fix-xejn waqt l-aħħar jiem tat-tieqa tat-trasferimenti, il-club immexxi minn Pep Guardiola dawwar l-attenzjoni tiegħu lejn Vlahovic, iżda l-isforzi tagħhom ma tawx frott.
Man City offrew lil Fiorentina £60 miljun inklużi bonuses għas-servizzi ta’ Vlahovic, iżda l-president ta’ Fiorentina Rocco Commisso afferma li l-internazzjonali Serb ma kienx għall-bejgħ.
Vlahovic wiegħed li jibqa’ leali lejn Fiorentina għall-istaġun 2021-22, iżda l-Viola x’aktarx ma jżommx is-servizzi tiegħu lil hinn mis-sajf li ġej, bil-ftehim attwali tiegħu jiskadi fl-2023.
Vlahovic skorja 21 goal f’37 logħba tas-Serie A fl-istaġun li għadda u diġà skorja tliet goals f’daqstant ieħor ammont ta’ logħbiet fit-tournaments kollha f’dan l-istaġun.
