Manchester City qed iżommu ħarsithom fuq is-sitwazzjoni tal-kuntratt ta’ Antonio Rudiger ma’ Chelsea.
Il-player ta’ 28 sena se jara l-ftehim attwali tiegħu fi Stamford Bridge jiskadi f’Ġunju u issa huwa liberu li jiffirma ftehimiet ta’ qabel il-kuntratt ma’ clubs barranin.
Man City qed isegwu lid-difensur Ġermaniż qabel approċċ potenzjali biex jiffirmawh bħala free agent.
Barcelona, Real Madrid u Tottenham Hotspur ukoll qed iżommu ħarsithom fuq id-difensur ċentrali tal-Blues.
Jekk Rudiger jiddeċiedi li ma jestendix il-kuntratt tiegħu fi Stamford Bridge, allura bidla għas-Santiago Bernabeu hija maħsuba li tkun il-preferenza tiegħu.
Rudiger, li kien figura integrali fit-team ta’ Thomas Tuchel dan l-istaġun, skorja l-uniku goal fir-rebħa ta’ 1-0 ta’ Chelsea barra minn darhom kontra Spurs fit-tieni leg tagħhom tas-semi-finali tal-EFL Cup l-Erbgħa filgħaxija.
