Manchester City huma lesti li jċedu lil Riyad Mahrez fit-tieqa tat-trasferimenti tas-sajf.
Il-player ta’ 31 sena għad irid jiffirma estensjoni maċ-champions tal-Premier League lil hinn mis-sajf tal-2023 u ssemma’ li jista’ javvanza l-karriera tiegħu ma’ xi club ieħor matul l-aħħar xhur.
Is-sitwazzjoni tal-kuntratt tiegħu tista’ timbotta lil Man City għal bejgħ tas-sajf ħalli ma jirriskjawx li jitilfuh bi free transfer matul l-istaġun li ġej.
Filwaqt li Gabriel Jesus, marbut ma’ Arsenal, huwa maħsub li se jħalli lis-Citizens, jidher li Mahrez huwa aktar probabbli li jiġi ċedut mill-club immexxi minn Pep Guardiola.
Mahrez gawda l-aqwa staġun tiegħu quddiem fl-attakk għal Man City bi 23 goal u disa’ assists fi 42 logħba fil-kompetizzjonijiet kollha, u b’hekk wassal it-total tiegħu għal 62 goal u 46 assist minn 185 partita mill-2018 meta dak iż-żmien kien jilgħab ma’ Leicester City.
Il-player internazzjonali tal-Alġerija rebaħ żewġ titli tal-Premier League, FA Cup u tliet edizzjonijiet tal-EFL Cup ma’ Man City, iżda huwa beda biss 13-il partita fil-Premier League dan l-istaġun.