Marcelo mistenni jmur jilgħab fl-Arabja Sawdija hekk kif xolja l-kuntratt li kellu ma’ Fluminense fil-Brażil. Jidher li l-plejer ta’ 36 sena kellu battibekk aħrax mal-kowċ Mario Menezes u wara li dam itella’ u jniżżel iddeċieda li jtemm b’mod bikri din l-esperjenza li damet biss ftit xhur..
L-eks plejer ta’ Real Madrid xejn ma niżel tajjeb lanqas mal-partitarji ta’ Fluminense anke minħabba xi tisfir indirizzat lejh.
Marcelo fil-passat lagħab ukoll ma’ Olympiakos u kien qed jirritorna ma’ Fluminense li kien ukoll il-klabb ta’ tfulitu.
