Id-difensur internazzjonali Spanjol Mario Hermoso jinsab pass bogħod milli jingħaqad ma’ AS Roma. Il-plejer jista’ jinnegozja dan it-trasferiment minħabba li hu aġent ħieles. Hu kien qed jilgħab ma’ Atletico Madrid fejn magħhom qatta’ ħames snin u fejn lagħab 131 logħba u skorja sitt gowls.
Id-diriġenti ta’ Roma qed jitkellmu mal-aġent tal-plejer biex tinstab soluzzjoni u eventwalment jilbes il-flokk Giallorosso wara l-waqfa internazzjonali.
