Marsaxlokk ….…..2
Gudja Utd ……….1
Marsaxxlokk ikkonvinċew bis-sħiħ biex għelbu lil Gudja United bl-iskor ta’ 2-1 biex irritornaw għar-rebħ wara nuqqas ta’ erba’ partiti.
B’din ir-rebħa, ix-Xlukkajri saħħew ir-raba’ post tal- klassifika biex żammew it-tamiet tagħhom ħajjin li jistgħu jisfidaw għal post fil-kompetizzjoni tal-UEFA Conference League.
Min-naħa l-oħra, din it-telfa hija turija li d-destin ta’ Gudja huwa miktub fuq il-ħajt hekk kif issa hija possibiltá kbira li staġun ieħor jilagħbu fiċ-Challenge League meta jinsabu fl-aħħar post u 10 punti ‘l bogħod mis-salvazzjoni.
Kien biss fis-16-il minuta li Marsaxlokk ħolqu l-ewwel periklu permezz ta’ free-kick insidjuż li ntemm għoli.
Gudja wieġbu fit-22 minuta meta xutt angolat fil-baxx ta’ Yuri De Jesus Messias falla l-mira.
Tliet minuti biss wara, Marsaxlokk, fetħu l- iskor b’xutt ta’ NIKOLAI MUSCAT li ma ħafirx.
Fil-55 minuta, Marsaxlokk reġgħu ħolqu l-periklu meta De Jesus Messias indirizza l-ballun lejn Nevin Portelli iżda dan ma rnexxielux jagħmel kuntatt mal-ballun hekk kif il-pass kien kemmxejn twil.
Marsaxlokk komplew jiddominaw u, fit-63 minuta, irduppjaw meta wara li rċieva minn cross ta’ Ryan Scicluna, WEDER SOARES DA SILVA, permezz ta’ daqqa ta’ ras mill-viċin tefa’ ġewwa.
Huma komplew jippressaw u minuta biss wara Nevin Portelli avvanza fil-kaxxa iżda kellu x-xutt fil-baxx salvat tajjeb mill-goalkeeper ta’ Gudja, James Pisani, li f’din il-partita kien qed jerġa’ jieħu post il-goalkeeper titolari, Justin Spiteri, li għadu qed jirkupra minn injury.
Il-Gudjani wieġbu, fit-73 minuta, meta Matias Muchardi ttanta xortih permezz ta’ xutt mid-distanza li ġie mdawwar f’corner bi bravura mill-goalkeeper Marko Drobnjak.
Eżatt mad-90 minuta, Gudja United naqqsu l- marġni tal-iskor permezz ta’ xutt mill-viċin tas-sostitut, LUCA GATT, wara li rċieva minn azzjoni ta’ corner mogħti minn Aidan Jake Friggieri.
Peró ma kienx fadal ħin biex huma setgħu jsalvaw ir-riżultat.
MARSAXLOKK: 95-Marko Drobnjak, 3-Weder Soares da Silva (8-Jake Ghio 83), 4-Karl Micallef, 6-Nikolai Muscat, 7-Nevin Portelli, 10-Yuri De Jesus Messias, 17-Jacob Walker (9-Fabricio Brener 61), 27-Leandro Aguirre (11-Duane Bonnici 70), 28-Nikola Raden, 30-Ryan Scicluna (26-Sami El Anabi 83), 99-Anthony Obonogwu (94-Jose Junior 61) – Coach: Winston Muscat
GUDJA U.: 26-James Pisani, 5-Armando Brenner, 9-Ibrahim Silas (27-Saviour Nwafor 46), 11-Matias Muchardi, 17-Aldair Quintero (10-Gianluca Lorenzoni 81), 22-Euseiuo Mendes, 24-Walter Omar Serrano (12-Luca Gatt 65), 39-Zak Grech (23-Neil Tabone 63), 88-Mirko Esposito, 92-Jospeh Godwin Ime, 99-Gianluca Zammit (77-Aidan Jake Friggieri 63) – Coach: Renzo Kerr-Cumbo
REFEREE: Daniel Portelli
ASS. REFEREES: Roberto Vella, Mark Ciantar
RABA’ UFF: Fyodor Zammit
SKORERS: N. Muscat, W. Soares da Silva 63 (M), L. Gatt 90 (GU)
AMMONITI: R. Scicluna (M), A. J. Friggieri (GU)
