Marsaxlokk u Naxxar Lions jieħu punt kull wieħed f’partita bilanċjata

Marsaxlokk …….1

Naxxar Lions …..1

Minn Cristian Muscat

Fil-konfront bejn Marsaxlokk u Naxxar Lions irrenja bilanċ assolut hekk kif temmew il-logħba ta’ bej­niethom fi draw ġust ta’ 1-1, biż-żewġ timijiet ikollhom il-waqtiet pożittivi tagħhom għall-ħinijiet differenti matul id-90 minuta.

Qabel il-partita, il-player ta’ Marsaxlokk, Yuri De Jesus Messias ingħata rikonoxximent bħala l-MVP ta’ Novembru.

Din kienet partita speċjali għall-coach ta’ Marsaxlokk, Vincenzo Potenza, hekk kif kienet il-100 logħba tiegħu fl-ogħla diviżjoni.

Kienu Naxxar li ħolqu l-ewwel periklu fl-10 minuta meta xutt ta’ Francis Jno-Baptiste għadda ftit barra.

Marsaxlokk wieġbu sitt minuti wara permezz ta’ daqqa ta’ ras mill-viċin ta’ Alex De Aguilar Gomes li għad­diet ftit barra u, fis-37 minuta, l-istess player kellu tentattiv imdawwar f’corner.

Tliet minuti minn tmiem l-ewwel taqsima, xutt ta’ Yuri De Jesus Messias intemm għo­li.

Fil-ftuħ tat-tieni taqsima, Marsaxlokk komplew fejn ħallew qabel il-mistrieħ u fid-49 minuta, Yuri De Jesus Messias kellu xutt li għadda barra.

Iżda kontra x-xejra tal-logħob kienu Naxxar li fetħu l-iskor, fil-55 minuta, meta ż-żagħżugħ KAYNE HABER approfitta minn nuqqas ta’ komunikazzjoni bejn il-goalkeeper Marko Drobnjak u d- difiża u mill-viċin tefa’ ġewwa.

Iżda Marsaxlokk għamlu reazzjoni u fis-63 minuta, ġabu l-iskor indaqs meta Jose Uli­ses Arias għadda tajjeb lejn JAI QUITONGO li mill-viċin tefa’ l-ballun f’lasti vojta.

Huma komplew jipproduċu l-isbaħ logħob u fis-77 minuta De Jesus Messias ittanta xortih permezz ta’ lob delizzjuż mid-distanza li iżda ntemm ftit għoli.

Wara dan il-goal, ix-Xlukkajri ppruvaw jippressaw għall-goal tar-rebħa iżda ż- żewġ goalkeepers avversarji ma kellhomx xuttijiet mitfugħin lejhom.

MARSAXLOKK: 95-Marko Drobnjak, 4-Karl Micallef, 6-Nikolai Muscat (8-Jake Ghio 75), 10-Yuri De Jesus Messias, 19-Jose Ulises Arias, 21-Jai Quitongo, 22-Lucas Emanuel Lopez, 23-Alex De Aguilar Gomes, 24-Enmy Manuel Pena Beltre, 27-Leandro Aguirre, 30-Ryan Scicluna – Coach:  Vincenzo Potenza

NAXXAR L.: 1-Matthias Debono, 7-Takuma Yama­gauchi (13-Kayne Haber 46), 8-Neil Pace Cocks, 9-Francis Baptista, 15-Ryan Gilmour Cassar, 19-Gustavo Barbosa Santos, 20-Luan Sergio Deias, Caxambu, 25-Fernando Barbosa Pereira, 31-Degran Jackson, 44-Ito Yasukaze   – Coach: George Vella

REFEREE: Fyodor Zammit

ASS. REFEREES: Mitchell Scerri, Robert Curtis

RABA’ UFF: Glen Tonna

SKORERS: K. Haber 55 (NL), J. Quitongo 63 (M)

AMMONITI: Caxambu, S. D De Almeida, F. Barbosa Pereira (NL), J. Ulises Arias (M)