Martin Zubimendi jista’ jħalli lil Arsenal fis-suq tat-trasferimenti ta’ Jannar, hekk kif Atletico Madrid qed juru interess fis-servizzi tal-midfielder Spanjol ta’ 27 sena.
Zubimendi, li ngħaqad mal-Gunners fis-sajf tal-2025 għal madwar £60 miljun mingħand Real Sociedad, allegatament jinsab frustrat minħabba l-ftit opportunitajiet li qed jingħata.
Dan l-istaġun lagħab biss 380 minuta fi 12-il dehra, hekk kif qed jiffaċċja kompetizzjoni minn diversi players.
Minbarra Atletico Madrid, Real Madrid, Barcelona, Bayern Munich, Borussia Dortmund, Chelsea u Liverpool qed isegwu s-sitwazzjoni tiegħu.
Arsenal jippreferu jżommuh, iżda self jista’ jkun possibbiltà. Sadanittant, it-tluq tiegħu jista’ jwassal biex Arsenal jerġgħu jqajmu l-interess tagħhom fl-attakkant Julian Alvarez.
